La Manekine
Auteur
- Philippe De Beaumanoir (Écrivain)
Acheter neuf
Acheter d'occasion
Classement en biblio - 4 lecteurs
extrait
Joïe ot illoeques tramis
Une espie, qui embramis
Fu de tout lor conseil apprendre.
Et si tost com il pot entendre
Le consel qu’il orent eü,
Es le vous ariere venu
A Joïe, si li reconte
Ainsi con li clerc et li conte
Le viennent querre pour le roy.
Quant ele l’ot, en tel effroi
Est qu’ele ne set qu’ele face.
En petit d’eure fu sa faice
Des larmes de ses iex couverte.
Or est ele seüre et certes,
Së ele ne troeve occoison,
Petit li vaurra sa raison.
Mais ele nes atendra mie
El n’a soig de leur compaignie.
De ses puceles se depart,
Nule d’eles n’en prist regart
Et ele s’est d’eles emblee,
De cambre en cambre en est alee.
Ains ne fina dusqu’ele vint
En une quisine qui tint
D’une part au mur de le sale
Et de l’autre partie avale
Li seaus en une riviere
Qui ert rade de grant manière ;
De la mer estoit assés prés.
Tuit li quisinier ou palés
Estoient alé pour veïr
Leur signeur sa fille plevir
Si que toute seule ert Joïe,
Deseur tous triste et esbahie.
Un grant coutel a quisinier
Qui sert de la car despicier,
A sour le dreceoir trouvé.
Par maintes fois l’ot esprové
Ses maistres pour bon et taillant ;
D’un cisne merveillous et grant
En colpast a .i. colp l’esquine.
En sa main le prent la meschine
Et pense que elle colpera
Son puing et caoir le laira
En l’iawe, qui est apelee
Yse la parfonde et la lee ;
Dont se commence a dementer :
« Lasse ! or me puis je bien vanter
C’a malvais port sui arrivee.
Car se jou ai ma main colpee
De moi nule pitié n’avra
Li rois, car vraiement savra
Que colpee l’arai por lui
Escondire. Lasse ! mar fui !
Bien sai qu’il me fera ardoir ;
Autre trezor n’en avrai, voir.
Bien sui fole, qui moi ocirre
Voel a dolor et a martire
Et se me puis bien respiter
De ceste dolour eschiever.
Comment ? Par espouser mon père.
-Mon père ! Lasse ! Vie amere
Avroie pour peeur de m’ame !
Virge Marie, douce dame,
Conseil vous demanc et requier ;
Voeillés enbt votre fil proier
Puis que de cuer requier aïe,
Bien sai que je n’i faurrai mie. »
Ensi se demaine et tourmente
Joïe, la bele jouvente.
En cel pensé a atendu
Tant qu’elë a oï le hu
De chiaus qui en sa chambre estoient
Qui au roy mener le voloient.
Or voit bien n’i a plus caloigne.
Son punig senestre tant aloigne
Qu’ele le met seur la fenestre ;
Le coutel tint en sa main destre.
Onques mais feme ce ne fist ;
Car le coutel bien amont mist
S’en fiert si son senestre poing
Qu’ele l’a fait voler bien loing
En la riviere la aval.
Afficher en entierActivité récente
Livres ayant des thèmes similaires
Résumé
Philippe de Rémi Beaumanoir (sire de, 1210?-1265?)
Attribué, à tort, à : Philippe de Beaumanoir (1250?-1296)
La Manekine de Philippe de Remi est le premier texte français à combiner le conte de la fille aux mains coupées avec le motif de l'inceste, dans un roman en vers qui conserve des traces de ses sources orales. Par une géographie signifiante, qui mène le lecteur de Hongrie en Ecosse et dans la Rome pontificale, ce roman aux multiples et violentes péripéties s'interroge sur les failles des sociétés féodale et courtoise ; il propose une leçon morale fondée sur une sagesse de nature supérieure, qui prend acte de la faiblesse des hommes et du monde et fait résider le salut dans l'Espérance et la confiance en la Vierge Marie. A travers son héroïne persécutée et les personnages qui l'entourent, Philippe de Remi offre à ses lecteurs des modèles de sainteté laïque, véritables cas exemplaires pour la prédication de son temps.
Afficher en entier